මේ වන විට ලෝකයේ පවතින ෆොසිලවලින් ලැබෙන ඉන්ධන ක්රමයෙන් අඩු වෙමින් පවතින අතර එය අවසාන වීමේ ප්රවනතාවක් වේ. මේ පිළිබඳව අවධානය යොමු වී ඇති අතර ෆොසිල ඉන්ධනවල අඩුව පිරිමැසීමට හැකි එක් බලශක්ති උත්පාදකයක් පමණක් පිළිබඳව විශ්වාසය තැබිය නොහැකි ය.
මේ වන විට ක්ෂුද්රජීවීන් විශේෂයක් වන බැක්ටීරියා භාවිතයෙන් අපද්රව්ය සහ ජෛව ස්කන්ධවලින් විදුලිය නිපදවීමට ඇති හැකියාව පිළිබඳව වැඩිදුර විමසිලිමත් වී තිබේ. ඒ අනුව මෑත දී සොයා ගෙන ඇති Geobacter Sulfurreducens KN400 බැක්ටීරියා විශේෂය මඟින් ඉහළ විදුලිබලයක් උපදවන බව පෙන්වා දී තිබේ.
ක්ෂුද්රජීවීන් පරිවෘත්තිය මඟින් විදුලි ධාරාවක් ලෙස ශක්තිය උත්පාදනය කිරීමේ හැකියාව පිළිබඳව බොහොමයක් පර්යේෂකයන් ප්රකාශන ඉදිරිපත් කර තිබේ. මේ සොයා ගැනීම් දිරි ගන්නාසුලු අතර අනාගතයේ තිරසාර බලශක්ති උත්පාදනයේ දී ක්ෂුද්රජීවී ඉන්ධන කෝෂ තාක්ෂණය (Microbial Fuel Cell Technology (MFC) වැදගත් මෙහෙයක් කරනු ඇතැයි බලවත් විශ්වාසයක් ගොඩනැඟී තිබේ.
